رسالة الى فتاة احلامى
إلى فتاة أحلامى
.
.
يا همسة الفراشات
على قلبى كده كفاية
بطلت أحلم من زمان
والزن سحرماله نهاية
فى الدروب الحيرانين
ناديتك أوعاكى ترجعي لى
غالى مهرك مهرك سنين
والا غاوية تفكرينى
يا ضحكة القمرات
على عمرى رسمتيها
بطلت اضحك من زمان
على عمرى باداريها
فى الليالى سيبى حالى
والنهارده صدقى
السندباد خلاص ما تاب
والنهاردة تعرفى؟
لسه كاتب لك أمنيات
أنك تنامى من سكات
خلينى أعيش
فى بكرة النهاردة فى ذكريات
صوتك غريب ما تغنيليش
خلينى أعيش
أسى اللى راح
أنسى اللى فات
لحنك جميل ما تعزفيش
خلينى أعيش
ما أسمعش غيرك ما أشفش غيرك
حلمك برئ
ماتحلميش
خلينى أعيش
ماأعرفش ده حلمى والاحلمك؟
عبيرك ملانى
قولى لزهورك
ما تفوحيش
ما تخلطيش وجدانى بأيامك
ما أعرفش ده غلطى والا قدرى
أنا متيم ما تلونيش أيامى بألهامك
وعدت سنين متفرقة
ما شفتيهاش
شوية على الصبر
وشوية على الأنا
وعدت سنين متفرقة
ما شفتيهاش
شوية على الوطن
وشوية على الوتر
عمال بأدندن كل يوم
أغانى ناس كانوا صدفة
قالوا لى مين أنا
وعدت سنين وكنت فين؟
شوية على الأمل
وشوية على العبر
وعدت سنين وانت فين؟
شوية بالقلم وشوية على الوتر
عمال بأدندن كل يوم
أنعى ليالى مالهاش عدد
=================
.
وبرضه هفضل أكتب لك تاني!!!!!!و
posted by maged stephen @ 4:24 AM
2 Comments:
هاى ماجد
كل الكلام الى كتبة جميل
وشكرا
byby_byby99
أنا اللى بأشكرك وأهلا بيك
Post a Comment
<< Home